Aanso’on Ki Pehchaan….

Main aksar sochti hon yeh aansoo bhi kya cheez hote hai har mor par sath sath.. Khushi mein bhi sath, Ghum mein bhi sath, Kuch paa liya tu bhi sath, Kuch kho diya to bhi sath.......Kitne mukhlis hote hain na yeh Ansoo, aik aisa sahara jo kadam dar kadam sang rahe,aik aisa sahara ke jiska sath insan ko kis qadar halka sa kar deta hai…. Mai tu kehti ho ansoo wo humdard hote hain jo sada sath nibhate hain.........

Ansoo’on ki pehchan kya hai, kya ho sakti hai bhala ansoo’on ki pehchan  Kuch bhi tu nahi, jahan pe bhi hon jiske bhi hon, Ansoo wo hain jo sabke mushtarka hote hai, aik rang ke aik tarha ke, koi pehchan nahin ansoo’on ki..... Wo aik song  hai na “Ansoo khushi ke ghum ke hote hai aik jaise, In ansoo’on ki koi pehchan nahi hoti” bilkul theek hi tu hai, Jab khushi is qadar hoti hai ke dil us khushi ko sambhal nahi pata tu ansoo khud ba khud sharek ho jate hai, aur jab ghum koi inteha ko pohanch jaye tab bhi ansoo hi sahara dete hai.......Yaad sataye kisi ki aur mil na paye koi tu ansoo mehfil bandh kar ate hai, bebasi mehsoos kare koi aur koi rah na dikhe tu ansoo rasta ban kar sath hote hai........ 

Insan ki soch se bhi ziyada anmol hote hai yeh ansoo..... Kitne hi khubsurat se andaaz mein yeh ansoo humare sang sang hote hai, kabhi yeh humari awaz ban jate hai aur wo baat keh jate hai jo hum keh nahi pate, tu kabhi yeh humare dost ban jate hai aur humara har dard bantne chale ate hai, tu kabhi humari khushiyon mein izafa karne mujod hote hai...… socho kitni bebasi mehsoos hoti hai jab dil bhar aye aur roya na jaye? kitni takleef hoti hai na, aisa lagta hai toot se jayegy, aur jab ansoo sahara ban kar ate hain tu sara dard jate jate apne sang baha le jate hai !!!

 Ansoo’on ki koi pehchan nahi hoti yeh bas aik anmol aur pyara sa tohfa hai humare liye Khuda ki tarf se..... khuda humse kitna pyar karta hai humara kitna khyal hai us zaat ko ke har tarf se humare liye himmat o housle ke beinteha zariye banaye hue hai hum ab bhi shikwa kare tu hue na hum kamakal log….... 

Mai ek ansoo hi sahi,hoo buhat anmol magar,

Yuh na palkon se gir kar mujhe matti me mila.....