Libaas Aur Shaksiat

Libaas inaan ki shaksiat ko zahir krta hai.Woh kehtay hain na duniya dekhti pehlay hai aur parkhti baad mein hai.Mujhe yeh baat kahin na kahin sahi lagti hai.Wesay to yeh baat bhi apni jaga theek hai kay humaray baat karnay ka tarika buhat ehmiyat rakhta hai hai magar hum pehlay kesi ko dekhtay hain aur zaroori nahi kay baad mein us say baat bhi ho.

Agr Main apni Jamia ki baat karo to aisa buhat dafa hua hai kay hum doostien saath bethi hon aur koi larki acchanak  say buhat puranay fashion aur chamktay dhamktay rungo walay libaas mein dekh jati hai to hum mein say koi na koi us kay libaas ko lay kr zaroor baat krta hai. Yar is ka koi taste hi nahi hai,yeh to puri w.11 bani huyi hai, itni garmi mein itnay khatarnak color, abhi lambi kameezo ka fashion hai aur in ko dekho yeh itni choti kameez pehni huyi hain.Wesay to yeh harkat galat hai magar aisa hota hai.Magar insaan ka accha ya bura pehla tasur kesi bhi dimagh par dair tak kaiem rehta hai.yeh baat batanay ka maksaad yeh hai kay hum nay bas us larki ko dekha aur woh chali gaye woh ajnabi thi us say hum baat to nahi kr saktay thay.Is liye hum nay us ki shaksiat ka andaza us kay libaas say lagaya.

Humara khaya hua koi nahi dekhta magar humara pehna hua har koi dekhta hai.Aaj kay dour mein yeh baat bilkul sahi sabit horahye hai.Har koi Lawns bhi branded pehna na cahata hai.Har kesi ki khwaish hoti hai kay jesay kapray ya suit mein pehno wesay kesi kay paas na ho.Acchay kapray  humari shaksiat ko acchay andaaz mein paish krtay hain aur humaray ird gird bhi humari shaksiat ya “dressing sense”  ko lay kr acchay alfaz main yaad kiya jata hai.Kyun kay loog kaproo say buhat mutasir hotay hain.Is baat mein kitni sadakat hai is ka andaza humien mukhtalif fashion channels say  hota hai kyun kay un channels kay zariye humien shaoor milta hai jis shaoor ko hasil kr kay hum logo ko apni shaksiat say mutasir kr saktay hain.