Karachi ki Food Streets

TAKA TAK TAKA TAK ki ati huyi awazien door say hi bata dayti hain kay shayad wahan koi food street hai.Karachi ko roshnio ka sher banaye rakhnay main in food streets ka bhi ehm kirdar hai.Dair rat tak kholi rehnay wali yeh food streets har chaltay phirtay insaan ko apni janab motawaja krti hain.Phir cahaye ghar pay khana hi kyun na paka ho.Magar wahan say guzrtay waqt jo khusboo ati hai woh majboor krdayti hai kay wahan khana khayen.

Karachi main wesay to har kadam pay choti bari food streets hain.Magar Buns road ki food street kafi purani hai.Aur agr Posh elakay ki baat ki jaye to boat basin ka naam sab say upar ata hai.Karcahi main Asia ki sab say bari food street Port Grand bhi hai jis ko shoro huye kuch saal hi huye hain.Baki meray ghar say kareeb to 5 star wali food street hai. Mujhe bahar khana khanay ka buhat hi shook hai.Abhi kuch dino pehlay apni salgira par main Do dariya gaye thi.Wahan bhi kafi baray restaurants hain.

Na hi sher bhar say balkay mulk kay mukhtalif Elakoo say Karachi ghoomnay anay walon kay liye bhi yeh food streets tafri aur dilcaspi ka baes banti hain. Karachi jasay gunjan abad sher mein jahan masail ka anbaar hai.Wahin food streets jasay makamat awam ko din bhr ki masroofiyat kay baad apnay ghar walon aur dooston kay saath tafri farham krtay hain.Mega city honay ki waja say Karachi mein Lahore ka charga, Peshawar kay chapli kabab aur Quetta ki karhai kay alawa buhat si cheezain food streets ki zeenat ka baes banti hain.

In food streets par har kism kay khanay miltay hain. Chinese, Pakistani, Indian, Italian wagera wagera.Magar in food streets ki jaan to Bar B.Q  hai. Live cooking ka to maza hi kuch aur hai.Khooshbo aur  dhooyien ki waja say khanay ka mazaa hi doobala hojata hai.In food streets par sastay say sastay aur mehngay say mehngay khanay miltay hain.Jasay bun kabab, Shawarma, chayie paratha yeh sab cheezay kafi sasti samjhi jati hain.Sab say ehm cheez jo kay hum bharay huye pait main bhi kha layte hain aur har koi pasand krta hai cahye bara ho ya chota…..Pata hai kya ice cream woh bhi milti hai food streets par. In food streets par milnay wali cheezay mosaam kay lihaz say badal bhi jati hain.Garmiyon main kulfi,gola ganda,falooda sab ki tawjoo ka markaz hotay hain aur asani say miltay hain.To sardiyon main coffee,chaiye sardiyon ka lutf doobala kr dayti hain. Government ki taraf say bhi har saal Karachi festival ka inekad kiya jata hai.Jis main in food streets ki ronakien aur barh jati hain.Aj kay doar main yeh kafi accha business hai kyun kay loog tafri kay liye yahan jatay hain.Saath hi food streets par family kay saath khana kha kr accha mahsoos krtay hain.Aur haftay main ek dafa zaroor yahan ka rokh krtay hain.