Films

Films…. hhhmm films ka naam atay hi meray dimagh main romantic aur funny movies ka khayal ajata hai. Romantic aur funny movies ki baat is liye ki hai main nay kyun kay mujhe is tarha ki films buhat pasand hain.Din bhar masroof rehnay kay baad jab main sukoon say raat main ghar par aram krti hon to kabhi kabhi dil cahata hai kay koi acchi si film dekhlon.Magar kabhi aisa bhi hota hai kay buhat zada nind arahye hoti hai to nahi dekh pati kyun kay nind say barh kar kuch nahi hai.Din bhar thak nay kay baad koi acchi ya funny film dekh le jaye to dimagh fresh hojata hai aur sari thakan utr jati hai.

Wesay to aj kay doar main aisi films buhat kam hain jo family kay saath beth kr dekhy jayen.Magar kuch funny films aisi hoti hain jo hum apni family kay saath dekh saktay hain.Aur isi bahanay saath beth kr tafri bhi hojati hai. Jasay Hera Phiri, Golmaal, All the best, hulchul wagera aisi films hain jo hum family kay saath dekh saktay hain.Mujhe yaad hai main nay "Phir Hera Phiri” apnay abu kay saath dekhy thi.Kyun kay abu ko bhi comedy films buhat pasand thi.Meray khayal main yeh last movie thi jo main nay abu kay saath dekhy thi.

Films kay mahool par buhat say asrat moratab hotay hain.Jo alfaz filmo mein istemal hotay hain hum apni aam zindagi main janay anjanay main un alfaz ka aksr istemal kr layte hain.Mujhe yaad hai jab “TERAY NAAM” ayi thi tab buhat say larkoo nay salman khan jesa hair style rakh liya tha.Aur un ko yeh bhi hosh nahi tha kay woh un par kesa lag raha hai.Baray to baray bacchay bhi peechay nahi hain. Dabbang kay baad har baccha CHUL BUL PANDAY ban na cahata tha.Ya abhi sab par ”BODY GUARD” ka bhoot sawar hai..Funny films to apni jaga hain.Kyun kay  baad main bhi un ko yaad kr kay laboo pay hansi ajati hai.Magar buaht si movies main aisi lines hoti hain jo funny na bhi ho magar hum un ko funny bana dayte hain.Jasay Posh pa I hate tears, Mogamboo khush hua, Kitnay admi thay, Jo darr gaya wo marr gaya, Aal iz well, Fata poster nikla hero, Bolay to tension nahi lene ka, Khaaaaaaaamoosshhh, I can taak englis I can walk englis because englis is a phunny language,Friendship ka ek usool hai no sorry no thank you, Ek dafa jo main nay commitment krdi us kay baad to main apni bhi nahi suntan..Aur pata nahi aisi kitni lines hain jo kya say kya ban gaye. Rahye baat Romantic films ki to mujheeeeeeeeeee do films buhat pasand hai Ghajni aur jab we meet. Jab we meet ki ek line mujhe buhat pasand hai "akeli lardki kholi tijoori ki tarha hoti hai"..hhmm yeh films jab bhi ati hain main zaroor dekhti hon…